Nasikika zaidi mikoani kuliko Dar

Msanii wa muziki wa Bongo Flava, Z Anto amesema wimbo wake ‘Kacheze Unapochezaga’ unafanya vizuri mikoani kuliko Dar es Salaam.
Muimbaji huyo amekiambia kipindi cha Planet Bongo, EA Radio kuwa kitu hicho kimempa changamoto kubwa kwani ni jambo la tofauti kidogo.
“Kazi yangu imekuwa ya ajabu kidogo kwa sababu inafanya vizuri mikoani kuliko hata ndani ya Dar es Salaam wakati imeshazoeleka mara nyingi kazi inafanya vizuri kwanza Dar es Salaam ndio inatambaa mikoani, so imenipa changamoto kidogo” amesema Z Anto.
Katika hatua nyingine ameeleza kuwa tangu ametoa wimbo huo amekuwa akipata booking za show mbalimbali lakini ataanza kuzifanya kuanzia mwishoni mwa mwaka huu ambapo atafanya show hapa Bongo na nje ya nchi kama Kenya na Zambia