MKUU WA WILAYA YA KINONDONI ABAINI UBADILIFU KWENYE WILAYA YAKE

Mkuu wa wilaya ya Kinondoni amebaini na kutatua ubadhilifu wa fedha ambao kampuni ya Zantel uliufanya katika mkataba wake miaka 7 iliopita ambapo mkataba huo ulifanyika mwaka 2009.

Akizungunza na waandishi wa habari kaimu Mkuu wa Mkoa wa Dar es salaam kwa sasa Ally  Salum Hapi amesema kiasi cha shilingi milioni mia sita themanini na saba,  laki tisa thelathini na moja elfu na senti arobaini na nne ulikuwa umefichwa, hivyo baada ya kubaini madudu hayo wamefuatilia kwa karibu na waliwapa siku 7 kampuni hiyo ilikuweza kulipa deni hilo kwa Manispaa ya Kinondoni.

Kwa uungwana wa hali ya juu Kampuni hiyo imelipa fedha hizo ndani ya siku 7 za agizo la manispaa ya kinondoni na tayari fedha zimerudi ziko mikononi mwa Halmashauri ya wilaya ya Kinobdoni .

Baada ya kupata fedha hizo Manispaa imeamua kuzipeleka moja kwa moja katika ujenzi wa madarasa ya Wilaya hiyo ambapo kuna upungufu wa Madarasa 79 kwa mahesabu ya fedha hizo yatapatikana madarasa 40 yaliyokamili. Lakini pia kuna uwezekano wa kujenga shule mpya hivyo watafanya hesabu zilizo kamili ili waone kipi kinafaa.

Mkuu wa wilaya ya kinondoni amendelea kusisitiza kuwa kuanzia sasa wameshaanza kuifufua na kufukua mikataba yote ambayo ilikuwa haieleweki ili haki za serikali zirudi na wote ambao wamehusika na kuvuruga mikataba hiyo pia waliokuwa katika uongozi wakati huo habari zao tayari zipo katika vyombo vya sheria na haki itatendeka