MKURUGENZI KISHAPU AZUNGUMZA NA WANANCHI WA KIJIJI CHA IDUKILO

Mkurugenzi Mtendaji Halmashauri ya Wilaya ya Kishapu, Stephen Magoiga akizungumza na wananchi wa kijiji cha Idukilo kata ya Idukilo alipokwenda kuhamasisha shughuli za maendeleo.

Afisa Elimu Msingi wa Halmashauri ya Wilaya ya Kishapu, Sostenes Mbwilo akifafanua jambo kuhusu umuhimu wa wananchi kushiriki shughuli za maendeleo wakati wa mkutano huo wa hadhara.

Diwani wa kata ya Idukilo, Sara Michael akitoa neno kwa wananchi wake katika mkutano huo.

Ofisa Mipango Halmashauri ya Wilaya ya Kishapu, Mang’era Mang’era (kushoto) akifafanua jambo katika mkutano huo wa hadhara.

Sehemu ya wananchi wa kijiji cha Idukilo wakifuatilia mkutano wa hadhara kwa ajili ya kuhamasishana kushiriki shughuli za maendeleo katika kijiji chao.  

……………………………………………………………..

Na Robert Hokororo, Kishapu DC

Mkurugenzi Mtendaji Halmashauri ya Wilaya ya Kishapu, Stephen Magoiga ametembelea kijiji cha Idukilo na kuzungumza na wananchi kuhamasisha shughuli mbalimbali za maendeleo.

Katika ziara hiyo Magoiga aliambatana na timu ya watalaamu wakiwemo Afisa Elimu Msingi, Sostenes Mbwilo, Afisa Mipango, Mang’era Mang’era na Afisa Elimu Ufundi, Moshi Balele.

Aliwahimiza wananchi kijijini hapo kwenye kata ya Idukilo kushirikiana kwa pamoja katika kusimama miradi mbalimbali inayotekelezwa na Serikali kupitia fedha zinazotolewa.

Mkurugenzi huyo alisema wananchi wana wajibu wa kuchangia shughuli za ujenzi wa miundombinu ya shule ikiwemo vyumba vya madarasa na nyumba za walimu kwa njia mbalimbali.

“Kamati ya shule, serikali ya kijiji na watalaamu kutoka wilayani wote mnapaswa kushirikiana kwa pamoja katika kusimamia shughuli za miradi zinazotekelezwa katika kijiji chenu,” alisema.

Katika mkutano huo wa hadhara pia mkurugenzi ikiwa ni mojawapo wa utaratibu aliojiwekea, alitumia nafasi hiyo kusikiliza kero mbalimbali kutoka kwa wananchi kijijini hapo.