Soko la hisa laporomoka kwa shilingi bilioni 20

Thamani ya mauzo ya hisa imepungua kutoka shilingi bilioni 20 ya wiki iliyoisha ya tarehe 27 OCT 2017 hadi shilingi bilioni 3 kwa wiki iliyoisha november3

Hayo yamesemwa na afisa muhandamizi wa soko la hisa Marry kinabo alipokuwa akitoa Tathimini ya mauzo ya hisa kwa wiki iliyoisha ambapo amesema idadi ya hisa ziliuzwa na kununuliwa imepanda kutoka hisa mil 1.6 ya wiki iliyoishia OCT 27 hadi hisa mil 3.5 ya wiki iliyoisha novemba 3 pia amezitaja  kampuni zilizoongoza katika mauzo ya hisa ni TCC ambao wanaongoza kwa 41%,TBL 27%,CRDB 16%,voda 11%.

Vile vile bi.Kinabo ameendelea kwakusema kuwa ukubwa wa mtaji wa kampuni zote zilizoorodheshwa katika soko umepungua kwa shilingi bilioni 217 kutoka shilingi Trilioni 20.5 kwa wiki iliyopita hadi shilingi Trilioni 20.2 wiki iliyoisha tarehe 3 novemba2017 Punguzo hilo limetokana na kupungua kwa bei za hisa za KA (8%), JHL(8%),CRDB(6%) na TBL(5%).

Pia Bi.Kinabo ameendelea kwa kusema kuwa ukubwa wa mtaji wa kampuni za ndani umepungua kwa shilingi bilioni 112 kutoka Trilioni 10.163 hadi  kufika shilingi Trilioni 10.051 wiki hii na hiyo inasababishwa kwa kupungua kwa bei ya hisa za CRDB(6%)na TBL(5%).

Kwa upande wa mauzo ya hati fungani katika wiki iliyoisha tarehe 3 Novemba yalikuwa shilingi bilioni 15.7 kutoka shilingi milioni 500 wiki iliyopita ya mwezi octoba 27,mauzo haya yalitokana na hatifungani kumi na moja(11)  za serikali na pia za makampuni binafsi zenye jumla ya thamani ya shilingi bilioni 17.4 kwa jumla ya gharama ya shilingi bilioni 15.7