Tume ya haki za binadamu wa kufanya tathimini kuhusu mapendekezo ya haki za binadamu

Mkutano wa tume ya haki za binadamu wa kufanya tathimini kuhusu mapendekezo ya haki za binadamu yanayopendekezwa na umoja wa mataifa umefanyika Leo, huku lengo kuu likiwa ni kuweka mikakati na misingi ya kujadili masuala ya haki za binadamu na kuhakikisha haki za binadamu zinalindwa sambamba na kukuzwa.

Akizungumza katika mkutano huo,  mwenyekiti wa tume ya haki za binadamu Bahame T. Nyanduga  amesema kuwa jumuiya ya umoja wa mataifa wa haki za binadamu imeweka utaratibu wa kutathimini nchi takribani 196 ili kugundua ni jinsi gani zinalinda na kukuza haki za binadamu kwa kuzingatia tamko la haki za binadamu kimataifa hivyo katika tathimini ya awali Tanzania ilipewa mapendekezo 237 na kati ya hayo serikali ilichagua mapendekezo 130 wanayoweza kuyafanyia kazi.

Pia Nyanduga amesema kuwa bado kuna changamoto mbalimbali kwa nchi zinazopewa mapendekezo na umoja wa mataifa wa haki za binadamu kwa kushindwa kuyatimiza kwa wakati sahihi.

Nyanduga ameongelea kuhusu suala na haki ya kufanya mikutano ya hadhara na kusema kuwa haki ya kukusanyika imetamkwa kwenye katiba na ni haki ya kila mtanzania  kukusanyika na kufanya jambo lolote ambalo haliendi kinyume na katiba ya Jamhuri ya muungano wa Tanzania.

Mwisho amewahasa na kuwaomba wa Tanzania wenyewe kulinda haki zao kwa kufuata misingi ya katiba kama inavyosema.

"Watanzania wanatakiwa kulinda haki zao wenyewe kwa kutumia katiba pamoja na mahakama ya nchi vizuri ili kupata haki zao za msingi" amesema Nyanduga