Uchumi wetu ni mzuri – Rais Magufuli

Rais wa Jamhuri ya Muungano wa Tanzania, Mhe. Dkt John Pombe Magufuli amedai uchumi wa Tanzania ni mzuri na unakua kwa kasi ndio maana miradi mikubwa imeanzishwa na inatekelezwa katika kipindi hiki pamoja na kuaminiwa kukopa na Benki kuu ya Dunia.

Rais Dkt. John Pombe Magufuli

Rais Magufuli amesema kuwa uchumi mzuri sio lazima mtu awe  na pesa nyingi chumbani bali ni pamoja na kuwa na ugumu katika utafutaji hela.
SOMA NA HII- Rais Magufuli awatumbua Wakurugenzi wawili Bukoba
“Ninapowaeleza kuwa uchumi wetu ni mzuri, ni mzuri kweli kuwa na uchumi mzuri hauna maana kuwa na mahela umeyajaza chumbani. Uchumi ni pamoja na kuwa na hela ngumu kuipata, kizuri hakipatikani hovyo hovyo, ni lazima utoe jasho. Nilikuwa nazungumza juzi pale Mwanza kuwa bajeti ya Afya imepanda  kutoka bilioni 31 hadi bilioni 269 na Tanzania tukapewa nafasi ya kuuza madawa katika nchi zote za SADC.“amesema Rais Magufuli leo tarehe 6 Novemba 2017 mkoani Kagera wakati wa ufunguzi wa mradi wa wa upanuzi wa uwanja wa ndege wa Bukoba, mkoani Kagera