TAARIFA KUTOKA JESHI LA POLISI MKOANI MWANZA

• MTU MMOJA ANASHIKILIWA NA JESHI LA POLISI KWA TUHUMA ZA KUMUUA MKEWE KUTOKANA NA IMANI ZA KISHIRIKINA WILAYANI KWIMBA

KWAMBA TAREHE 05/04/2017 MAJIRA YA 11:00HRS KATIKA KITONGOJI CHA MAAILI KIJIJI CHA SOLWE KATA YA IBINDI WILAYA YA KWIMBA MKOA WA MWANZA, MTU MMOJA ANAYEJULIKANA KWA JINA LA KUMALIJA KONDOLO @ BASU MIAKA 19 MSUKUMA NA MKAZI WA KIJIJI CHA BAGADU WILAYANI MAGU, ANASHIKILIWA NA JESHI LA POLISI KWA TUHUMA ZA KUMUUA MKEWE AITWAYE MISOJI JOHN MIAKA 18 KWA KUMCHOMA NA KITU CHENYE NCHA KALI SEHEMU ZA KICHWANI NA SHINGONI UPANDE WA NYUMA NA KUPELEKEA KIFO CHAKE PAPO HAPO, KITENDO AMBACHO NI KOSA LA JINAI.

INADAIWA KUWA MTUHUMIWA ALIKUWA AKIISHI NA MKEWE NYUMBANI KWAKE KIJIJI CHA BAGADU WILAYANI MAGU LAKINI HIVI KARIBUNI ALIKWENDA KWA WAKWE ZAKE KUWASALIMIA  YEYE PAMOJA NA MKEWE KATIKA KITONGOJI CHA MAALI KILICHOPO KIJIJI CHA SOLWE WILAYANI KWIMBA. AIDHA INASEMEKANA KUWA  JANA TAREHE 5.04.2017 MAJIRA TAJWA HAPO JUU MTUHUMIWA ALIBAKI NYUMBANI NA MKEWE KWANI WENGINE WALIKUWA  WAMEKWENDA GULIONI  KWASABABU ILIKUA SIKU YA GULIO. INADAIWA KUWA BAADA YA MTUHUMIWA KUONA WANAFAMILIA HAWAPO NDIPO ALIMCHUKUA MKEWE NA KUINGIA NAE NDANI KISHA AKAMCHOMA NA KITU CHENYE NCHA KALI KICHWANA NA SHINGONI UPANDE WA NYUMA NA KUPELEKEA KIFO CHAKE PAPO HAPO. WANANCHI WALITOA TAARIFA POLISI KUHUSIANA NA TUKIO HILO AMBAPO ASKARI WALIFANYA UFUATILIAJI WA HARAKA HADI ENEO LA TUKIO NA KUFANIKIWA KUMAKAMATA MTUHUMIWA.

MTUHUMIWA WA MAUAJI HAYO AMEKAMATWA YUPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA ATAFIKISHWA MAHAKAMANI. UPELELEZI ILI KUWEZA KUKAMATA WATU WALIOSHIRIKI KWA NAMNA MOJA AU NYINGINE AIDHA KWA KUSHAWISHI AU KEWEZESHA KUTENDWA KWA TUKIO HILO BADO UNAENDELEA,  MWILI WA MAREHEMU TAYARI UMEFANYIWA UCHUNGUZI NA DAKTARI NA KUKABIDHIWA KWA NDUGU WA MAREHEMU KWA AJILI YA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA, AKIWATAKA KUTOA TAARIFA POLISI ZA WAPIGA RAMLI CHONGANISHI NA WAGANGA WA KIENYEJI AMBAO WANAFANYA KAZI BILA VIBALI VYA SERILIKALI NA AMBAO WANASHAWISHI MTU KUFANYA UHALIFU ILI WAWEZWE KUKAMATWA NA KUFIKISHWA KATIKA VYOMBO VYA SHERIA. AIDHA LAKINI PIA ANAWATAKA WANANCHI KUACHA TABIA YA KUJICHUKULIA SHERIA MKONONI KWANI HAKUNA MTU ALIYE JUU YA SHERIA NA ENDAPO IKIBAINIKA MTUHUMIWA ATAFIKISHWA KATIKA VYOMBO VYA SHERIA ILI HATUA KALI ZA KISHERIA ZIWEZE KUCHUKULIWA DHIDI YAKE.

IMETOLEWA NA:

DCP: AHMED MSANGI.

KAMANDA WA POLISI (M) MWANZA.